-
-
-
-
काठमाडौँ। पछिल्लो २४ घण्टामा १ हजार ५ सय ५८ जना नयाँ संक्रमित थपिएका छन् । योसँगै हालसम्म पिसिआर विधिबाट ७ लाख ८३ हजार ७५ जनामा र एन्टिजेन विधिबाट ८८ हजार ६ सय ५९ जनामा कोरोना भाइरसको संक्रमण पुष्टि भएको छ ।
सोही समयावधिमा थप १ हजार ३ सय ५१ जना संक्रमणमुक्त भएका छन् । योसँगै हालसम्म संक्रमणमुक्त हुनेको सङ्ख्या ७ लाख ४६ हजार ५ सय ६६ पुगेको छ ।
पछिल्लो २४ घण्टामा १० जनाको मृत्यु भएको छ । योसँगै हालसम्म मृत्यु हुनेको सङ्ख्या ११ हजार १२ पुगेको छ ।
पछिल्लो २४ घण्टामा १२ हजार ३ सय ८५ जनाको नमुना परीक्षण गरिएको छ । हाल ३ सय ८६ जनाको आइसियु र १ सय १७ जनाको भेन्टिलेटरमा उपचार भइरहेको छ । हाल सक्रिय संक्रमितको सङ्ख्या २५ हजार ४ सय ९७ जना रहेको छ ।
