-
-
-
-
नेपालगन्ज । बर्दियामा बँदेललाई थापेको विद्युतीय पासोमा परेर तीन जनाको मृत्यु भएको छ । गएराति करिब १० बजेतिर ठाकुरबाबा नगरपालिकामा एकै परिवारका तीन जनाको बँदेल मार्न राखेको करेन्टको पासोमा परेर मृत्यु भएको प्रहरीले जनाएको छ ।
करेन्टको पासोमा परेर ठाकुरबाबा नगरपालिका ३ गोदानाका ३२ वर्षका बालकृष्ण थारु, उनकी श्रीमती २९ वर्षकी सुनिता थारु र बालकृष्णकी भाउजु ४३ वर्षकी बेलमती थारुको मृत्यु भएको हो इलाका प्रहरी कार्यालय भुरिगाउँले जनाएको छ ।
सुरुमा एक जनालाई करेन्ट लागेपछि बचाउने क्रममा अरु दुई जनालाई पनि करेन्ट लागेको बताइएको छ । बँदेललाई पासो थाप्ने स्थानीय ८३ वर्षीय राजबहादुर शाहीलाई पक्राउ गरिएको प्रहरीले जनाएको छ । घटनाबारे थप अनुसन्धान भइरहेको छ ।
