-
-
-
-
काठमाडौँ। पछिल्लो २४ घण्टामा ७ सय ३४ जना नयाँ संक्रमित थपिएका छन् । योसँगै हालसम्म पिसिआर विधिबाट ७ लाख ८४ हजार ५ सय ६६ जनामा र एन्टिजेन विधिबाट ८८ हजार ९ सय ६८ जनामा कोरोना भाइरसको संक्रमण पुष्टि भएको छ ।
सोही समयावधिमा थप १ हजार ४ सय १३ जना संक्रमणमुक्त भएका छन् । योसँगै हालसम्म संक्रमणमुक्त हुनेको सङ्ख्या ७ लाख ४९ हजार २ सय १३ पुगेको छ ।
पछिल्लो २४ घण्टामा १२ जनाको मृत्यु भएको छ । योसँगै हालसम्म मृत्यु हुनेको सङ्ख्या ११ हजार ४० पुगेको छ ।
पछिल्लो २४ घण्टामा १० हजार १३ जनाको नमुना परीक्षण गरिएको छ । हाल ३ सय ९० जनाको आइसियु र १ सय १७ जनाको भेन्टिलेटरमा उपचार भइरहेको छ । हाल सक्रिय संक्रमितको सङ्ख्या २४ हजार ३ सय १३ जना रहेको छ ।
