-
-
-
-
काठमाडौँ। पछिल्लो २४ घण्टामा १ हजार १ सय ५८ जना नयाँ संक्रमित थपिएका छन्। योसँगै हालसम्म पिसिआर विधिबाट ७ लाख ९३ हजार २ सय ७१ जनामा र एन्टिजेन विधिबाट ९१ हजार १ सय ८ जनामा कोरोना भाइरसको संक्रमण पुष्टि भएको छ।
यसै समयावधिमा १ हजार ३ सय १८ जना कोरोना भाइरसबाट संक्रमणमुक्त भएका छन् । योसँगै हालसम्म संक्रमणमुक्त हुनेको सङ्ख्या ७ लाख ६३ हजार ७ सय ३४ पुगेको छ।
पछिल्लो २४ घण्टामा १२ जनाको मृत्यु भएको छ । योसँगै हालसम्म मृत्यु हुनेको सङ्ख्या ११ हजार १ सय १५ पुगेको छ।
पछिल्लो २४ घण्टामा १४ हजार ३ जनाको नमुना परीक्षण गरिएको छ। हाल ३ सय ६४ जनाको आइसियु र १ सय २० जनाको भेन्टिलेटरमा उपचार भइरहेको छ। हाल सक्रिय संक्रमितको सङ्ख्या १८ हजार ४ सय २२ रहेको छ।
