काठमाडौँ । चीनले नेपाललाई कोरोना भाइरसविरुद्धको थप १० लाख डोज खोप अनुदानमा दिने भएको छ । बुधवार स्वास्थ्य तथा जनसङ्ख्या राज्यमन्त्री उमेश श्रेष्ठले चीनले थप १० लाख खोप अनुदानमा दिने जानकारी दिएका हुन् ।
चिनियाँ राजदूत होउ यान्छी र राज्यमन्त्री श्रेष्ठबिच बुधवार मन्त्रालयमा भेटवार्ता भएको थियो । यस पटक चीनले सिनोभ्याक कम्पनीले उत्पादन गरेको खोप अनुदानमा दिन लागेको हो ।
यसअघि चीनले भेरोसेल खोप अनुदानमा दिएको थियो । चीनले सुरुमा १६ लाख डोज खोप अनुदानमा दिइसकेको छ । चीनले अनुदानमा दिने घोषणा गरेको थप १६ लाख डोज भेरोसेल खोप अक्टोबर महिनाभित्र आउने बताइएको छ ।
यस क्रममा चीनले अनुदानमै थप १० लाख डोज सिनोभ्याक खोप उपलब्ध गराउने भएको हो ।
As a part of its consistent support to Nepal, the Govt. of China will provide further medical assistance worth 5 million Renminbi to install preventative measures in our health system in a bid to save lives from 3rd wave of pandemic, additional 1 million SinoVac jabs as grant.1/3 pic.twitter.com/mzcdJdyO5k
यस्तै चीनले कोरोना भाइरसको तेस्रो लहरविरुद्ध लड्न आवश्यक पूर्वाधार निर्माणका ५० लाख चिनियाँ युआन करिब ९ करोडभन्दा बढी नेपाली रुपैयाँ बराबरको अनुदान पनि उपलब्ध गराउने भएको छ ।
