-
-
-
-
काठमाडौँ । देशभर सक्रिय संक्रमितको सङ्ख्या १६ हजार १९४ पुगेको छ । बुधवार एक हजार ४३ जना संक्रमित थपिएसँगै नेपालमा सक्रिय संक्रमितको सङ्ख्या १६ हजार १९४ पुगेको हो । बुधवार १५ हजार ४६५ जनामा कोरोना संक्रमण परीक्षण गरिएको थियो ।
त्यस्तै नेपालमा संक्रमणमुक्त हुने दर ९६.६ प्रतिशत रहेको छ । भने पाँच सयभन्दा बढी संक्रमित भएका जिल्ला आठ र २०० भन्दा बढी संक्रमित भएका जिल्ला १९ रहेका छन् ।
बुधवार ८९१ जना संक्रमणमुक्त भएका छन् । नेपालमा हालसम्म संक्रमणमुक्त हुनेको सङ्ख्या सात लाख ७२ हजार २२९ रहेको छ ।
यस्तै संक्रमणबाट पछिल्लो २४ घण्टामा १२ जनाको निधन भएको छ । अहिलेसम्म संक्रमणबाट ११ हजार १९२ जनाको निधन भइसकेको छ ।
बुधवार ५९ हजार ३७६ जनाले कोरोना भाइरसविरुद्धको खोप लगाएका छन् । यस्तै अहिलेसम्म ७९ लाख ६२ हजार ६४७ ले पहिलो मात्रा र ६४ लाख १९ हजार ४८० ले पूर्ण मात्राको खोप लगाएका छन् ।
