-
-
-
-
काठमाडौं। पछिल्लो २४ घण्टामा थप ८ सय ९ जनामा कोरोना भाइरसको संक्रमण पुष्टि भएको छ । योसँगै हालसम्म पिसिआर विधिबाट ८ लाख २ सय ८२ जनामा र एन्टिजेन विधिबाट ९२ हजार ७ सय ९० जनामा कोरोना भाइरसको संक्रमण पुष्टि भएको छ।
यसै समयावधिमा ९ सय ११ जना कोरोना भाइरसबाट संक्रमणमुक्त भएका छन् । योसँगै हालसम्म संक्रमणमुक्त हुनेको सङ्ख्या ७ लाख ७३ हजार १ सय ४० पुगेको छ।
पछिल्लो २४ घण्टामा ८ जना संक्रमितको मृत्यु भएको छ । योसँगै हालसम्म मृत्यु हुनेको सङ्ख्या ११ हजार २ सय पुगेको छ।
पछिल्लो २४ घण्टामा १० हजार ६ सय ७२ जनाको नमुना परीक्षण गरिएको छ। हाल ३ सय २९ जनाको आइसियु र १ सय १२ जनाको भेन्टिलेटरमा उपचार भइरहेको छ। हाल सक्रिय संक्रमितको सङ्ख्या १५ हजार ९ सय ४२ रहेको छ।
