-
-
-
-
काठमाडौं। पछिल्लो २४ घण्टामा थप ७ सय ८५ जनामा कोरोना भाइरसको संक्रमण पुष्टि भएको छ । योसँगै हालसम्म पिसिआर विधिबाट ८ लाख २ हजार ८ सय ६१ जनामा र एन्टिजेन विधिबाट ९३ हजार १ सय १६ जनामा कोरोना भाइरसको संक्रमण पुष्टि भएको छ।
यसै समयावधिमा ८ सय ८८ जना कोरोना भाइरसबाट संक्रमणमुक्त भएका छन् । योसँगै हालसम्म संक्रमणमुक्त हुनेको सङ्ख्या ७ लाख ७६ हजार ८ सय ३१ पुगेको छ।
पछिल्लो २४ घण्टामा १२ जना संक्रमितको मृत्यु भएको छ । योसँगै हालसम्म मृत्यु हुनेको सङ्ख्या ११ हजार २ सय ४३ पुगेको छ।
पछिल्लो २४ घण्टामा १२ हजार १ सय ९५ जनाको नमुना परीक्षण गरिएको छ। हाल ३ सय १४ जनाको आइसियु र १ सय ११ जनाको भेन्टिलेटरमा उपचार भइरहेको छ। हाल सक्रिय संक्रमितको सङ्ख्या १४ हजार ७ सय ८७ रहेको छ।
