-
-
-
-
काठमाडौं । नेपाली सेनाले सैनिकमञ्च टुँडिखेलमा फुलपाती बढाइँ समारोह आयोजना गरेको छ ।
फूलपाती बढाइँ समारोहमा राष्ट्रपति विद्यादेवी भण्डारीसमेत सरिक भएकी छन् । उनी सेनाको परमाधिपति हुन् । सो समारोहमा नेपाली सेनाको टुकडीले उनलाई सलामी अर्पण गरेको थियो ।
सो अवसरमा सेनाले फूलपाती बढाइँ कवाजअन्तर्गत राइफलबाट छिटो लहरे र एकठ्ठा बढाइँ गरेको थियो । यस्तै तोपबाट पनि लहरे र एकठ्ठा बढाइँ प्रस्तुत गरियो । सो क्रममा हेलिकप्टरबाट पुष्पवृष्टिसमेत गरिएको थियो ।
कोभिड-१९ को संक्रमणका कारण यस वर्षको फूलपाती बढाइँ धर्म, संस्कृति र परम्परालाई निरन्तरता दिने उद्देश्यले सांकेतिकरूपमा मात्र आयोजना गरिएको सेनाले जनाएको छ ।
समारोहमा उपराष्ट्रपति नन्दबहादुर पुन, प्रधानमन्त्री शेरबहादुर देउवा, प्रधानन्यायाधीश चोलेन्द्रशम्शेर जबरा, सभामुख अग्निप्रसाद सापकोटालगायत सहभागी थिए ।
