प्राकृतिक विपद्ले कहाँ कहाँ के गर्यो ? तस्बिरमा हेरौँ यो बेमौसमी विपद्ले निम्त्याएको असर
हाम्राकुरा संवाददाता,
प्रकाशित २०७८ कार्तिक ३ बुधबार
534
Shares
सप्तरीको हनुमाननगर कंकालिनी नगरपालिका वडा नं ३ पोर्ताहाको गिदखोरामा लगातारको वर्षाले कञ्चनपुर–भारदह सडक खण्डको मोहुली खोलामा आएको बाढी। तस्बिर : रासस
काठमाडौँ। कोरोना भाइरसको महामारीले थलिएको देशले बिस्तारै गति लिँदै थियो। तर अचानक आएको बेमौसमी वर्षाले गर्दा देशैभर बाढी र पहिरोले अत्यास पारेको छ। थुप्रैले ज्यान गुमाएका छन्। कल्पनै गर्न नसकिने गरी मानवीय तथा भौतिक क्षति भएको छ।
असार साउनमा आउने वर्षा भन्दा अहिले झन् बढी नै वर्षा आउँदा त्यसले निकै नै ध्वस्त पारेको छ। विशेष गरी सुदूरपश्चिम र कर्णाली प्रदेशमा यसले ठुलो विपद् नै निम्त्याएको छ। कयौँ बेपत्ता छन्। थुप्रै घाइते भएका छन् । कतिपय उद्धारको पर्खाइमा छन्।
यो सिजनको मनसुन सकिएको केही दिनपछि अचानक आएको वर्षाले निम्त्याएको यो विपद्को असर तस्बिरमा हेरौँ–
बाढीको जोखिममा रहेको तिला गाउँपालिका–४, नुवाकोटगाउँका लालबहादुर सार्कीको घर ।
जुम्लाको तिलागाउँपालिका–४, नुवाकोटस्थित बाढीले पुरेको सेतीवाडा माध्यमिक विद्यालय ।
दमक–७ स्थित पशुहाट बस्तीमा रतुवा खोलामा आएको बाढीले एउटा घर बगाउने क्रममा । खोलामा आएको बाढीले त्यहाँका सात वटा घर बगाउनुका साथै थप १७ वटा घर जोखिममा परेको वडाध्यक्ष भीमप्रसाद पौडेलले बताए
कर्णाली नदीबाट आएको बाढीले ईलाका प्रहरी कार्यालय टीकापुर डुवानमा । कर्णाली नदीमा पानीको बहाव अत्याधिक भएपछि कर्णाली नदीसँग जोडिएको रानी जमरा कुलरिया कुलाको पानी गाउँ हुँदै बजार पुगेको हो ।
लगातार दुई-तीन दिनदेखि परेको अत्यधिक वर्षाका कारण मोहुली खोलमा आएको बाढीले सप्तरीको कञ्चनरुप नगरपालिका–३ बरमझियाको वस्तिमा पसेको पानी ।
सुदूरपश्चिम प्रदेशका विभिन्न जिल्लामा आइतबार रातिदेखि भइरहेको अविरल वर्षासँगै भएको डुवान र बाढी जस्ता प्राकृतिक विपद्को घटनामा जोखिमा परेका नागरिकको उद्वारमा गर्दै नेपाल प्रहरीको टोली ।
जलमग्न विराटनगर विमानस्थल ।
तिला गाउँपालिका ४ जुम्ला साँपुल्ली गाउँस्थित बाढीले भत्काउनै थालेको भेरीखोला साना जलविद्युत आयोजनाको विद्युत गृह ।
तिला गाउँपालिका ४ जुम्ला नुवाकोट गाउँस्थित निर्माण गरिएको स्याउँ बगैंचामा पसेको बाढी ।
गत असार १ र त्यसपछिको बाढीले पक्की पुल बगाएपछि हेलम्बुको चनौटेमा ह्यूम पाइप राखेर बनाइएको बाटोमा निरन्तरको वर्षाले क्षति पुर्याएपछि यातायात सेवा अवरुद्ध ।
गत असार १ र त्यसपछिको बाढीले पक्की पुल बगाएपछि मेलम्चीको फट्टेमा ह्यूम पाइप राखेर बनाइएको बाटोमा निरन्तरको वर्षाले क्षति पुर्याएपछि यातयात सेवा अवरुद्ध ।
लगातारको वर्षापछि महाकाली नदीमा आएको बाढीले कञ्चनपुरको भीमदत्त नगरपालिका–१२ ओदालीस्थित निर्माणाधीन चार लेनको पुलसँगै बनेको ६ लेनको सडकमा पुर्याएको क्षति। बाढीले कालोपत्रे गरिएको सडक बगाउनाका साथै तटीय
लगातारको वर्षापछि महाकाली नदीमा आएको बाढी ।
तिला गाउँपालिका ४ जुम्ला नुवाकोट गाउँस्थित बाढीले बनाएको क्षतिबारे जनाउँदै स्थानीय ।
तिला गाउँपालिका ४ जुम्ला रावतवाडा गाउँस्थित भेरीखेला साना जलविद्युत आयोजनाको बाँधसहित भत्काईएको नहर ।
महाकाली नदी किनारामा निर्माण भएको पहुँच मार्गमा पुगेको नदीको बाढी । नदीको बाढीले पहुँच मार्गको डेढ किलोमिटर क्षेत्रमा कटान गरी बगाएको छ ।
आइतबारदेखि परेको अबिरल वर्षाका कारण जलमग्न धनगढी उपमहानगरपालिका-५ हसनपुर क्षेत्र
कर्णाली नदीमा आएको बाढीबाट बर्दिया जिल्लाको गेरुवा गाउँपालिका र राजापुर नगरपालिकाका¬ वडा नं १ का हजार घरपरिवार डुवानमा परेका छन् ।
दुई दिनदेखि लगातार परेको मुसलधारे बर्षाका कारण सप्तरीको कंचनरुप नगरपालिका वडा नं. ३ स्थित बरमझिया नजिक सुन्दरी खोलामा आएको बाढी।
बाढीका कारण झापाको कमल गाउँपालिका–७, गेउरियास्थित एक जलमग्न घर। केहीदिन यता परेको पानीले यस वडाका अधिकांश धानखेती डुबानमा परेको छ।
.jpg)
