पाँचथरको विपद्ः बाढी पहिरोमा कम्तीमा २७ को मृत्यु, तीन बेपत्ता (फोटोफिचरसहित)

जितेन्द्र भण्डारी,

प्रकाशित २०७८ कार्तिक ४ बिहिबार

पाँचथर । पाँचथरमा बाढी र पहिरोमा परी अहिलेसम्म कम्तीमा २७ जनाको ज्यान गइसकेको छ । मिक्लाजुङ गाउँपालिकामा मात्रै २१ जनाको मृत्यु भएको छ। वडा नम्बर ५ कुरुम्बामा मात्रै १५ जनाको पहिरोमा पुरिएर ज्यान गएको छ । त्यस्तै वडा नम्बर १, २, ४ र ७ मा गरी थप छ जनाको मृत्यु भएको छ ।

मिक्लाजुङमै दुई स्वास्थ्यकर्मी पुरिएका छन् । उनीहरुको जिवितै उद्दार गर्न सक्ने सम्भावना कम रहेको बताइएको छ । थप एक जना पनि पहिरोमा बेपत्ता भएको गाउँपालिकाका अध्यक्ष अमरराज माखिमले बताए ।

त्यस्तै फाल्गुनन्द गाउँपालिकामा तीन जना, फिदिम नगरपालिकामा दुई जना र कुम्मायक गाउँपालिकामा एक जनाको पहिरामा परी मृत्यु भएको छ। छ जना घाइते भएका छन् ।