-
-
-
-
काठमाडौँ। बेमौसमी वर्षाले देशभर वितण्डा मच्याइरहँदा काठमाडौँ उपत्यका भने खुलेको छ। सुदूरपश्चिममा वितण्डा मच्याएपछि पूर्वमा सरेको वर्षा बिस्तारै बाहिरिँदो क्रममा छ। यही बीचमा काठमाडौँ उपत्यका बिहीबार बिहानदेखि नै खुलेको छ।
आकाश सफा देखिएको छ भने काठमाडौँको मुहार हाँसेको छ। बेमौसमी वर्षाले वाक्क पारेका बेलामा उपत्यकावासीले बिहीबार बिहानैदेखि राहत महसुस गरेका छन्। आकाश खुलेसँगै उपत्यकाको मनमोहक दृश्य पनि चम्किएको छ।
तर मौसम भने पूर्ण रूपमा सफा भएको छैन। मौसम पूर्वानुमान महाशाखाले शनिवारसम्मै वर्षा हुने बताइसकेको छ।
