-
-
-
-
काठमाडौं। पछिल्लो २४ घण्टामा ५ सय ४५ जनामा कोरोना भाइरसको संक्रमण पुष्टि भएको छ। योसँगै हालसम्म पिसिआर विधिबाट ८ लाख ७ हजार ५ सय २२ जनामा र एन्टिजेन विधिबाट ९३ हजार ७ सय ७१ जनामा कोरोना भाइरसको संक्रमण पुष्टि भएको छ।
यसै समयावधिमा ७ सय २६ जना कोरोना भाइरसबाट संक्रमणमुक्त भएका छन् । योसँगै हालसम्म संक्रमणमुक्त हुनेको सङ्ख्या ७ लाख ८४ हजार ८ सय ८१ पुगेको छ।
पछिल्लो २४ घण्टामा ८ जना संक्रमितको मृत्यु भएको छ । योसँगै हालसम्म मृत्यु हुनेको सङ्ख्या ११ हजार ३ सय २६ पुगेको छ।
पछिल्लो २४ घण्टामा ८ हजार ५ सय ४९ जनाको नमुना परीक्षण गरिएको छ। हाल सक्रिय संक्रमितको सङ्ख्या ११ हजार ३ सय १५ रहेको छ।
