-
-
-
-
काठमाडौँ। नेपालमा कोरोना भाइरसका सक्रिय संक्रमितको सङ्ख्या दस हजारमा झरेको छ । पछिल्लो २४ घण्टामा ७ सय ८ जनामा कोरोना भाइरसको संक्रमण पुष्टि भएको छ।
योसँगै हालसम्म पिसिआर विधिबाट ८ लाख ८ हजार ९६ जनामा र एन्टिजेन विधिबाट ९३ हजार ९ सय ५ जनामा कोरोना भाइरसको संक्रमण पुष्टि भएको छ।
यसै समयावधिमा ९ सय ३२ जना कोरोना भाइरसबाट संक्रमणमुक्त भएका छन् । योसँगै हालसम्म संक्रमणमुक्त हुनेको सङ्ख्या ७ लाख ८५ हजार ८ सय १३ पुगेको छ।
पछिल्लो २४ घण्टामा ११ जना संक्रमितको मृत्यु भएको छ । योसँगै हालसम्म मृत्यु हुनेको सङ्ख्या ११ हजार ३ सय ३७ पुगेको छ।
पछिल्लो २४ घण्टामा ९ हजार ३ सय ७६ जनाको नमुना परीक्षण गरिएको छ। हाल सक्रिय संक्रमितको सङ्ख्या १० हजार ९ सय ४६ रहेको छ।
