-
-
-
-
पाँचथर। गत मङ्गलवार राती र बुधवार बिहान गएको पहिरोमा परि पाँचथरमा मृत्यु हुनेको सङ्ख्या ३० पुगेको छ। शुक्रवार २ जनाको शव फेला परेसँगै पाँचथरमा पहिरोबाट मुत्या हुनेको सङ्ख्या ३० पुगेको जिल्ला प्रहरी कार्यालय पाँचथरका सूचना अधिकारी डम्बर विश्वकर्माले जानकारी दिए।
बिहीवार पाँचथरका विभिन्न ठाउँमा २८ जनाको शव फेला परेको थियो। पाँचथरमा पहिरोको कारण अझै ४ जना बेपत्ता भएका छन्।
शुक्रवार फाल्गुननन्द गाउँपालिका–४ का ८ वर्षीय मिक्तोक चेम्जोङ र फिदिम नगरपालिका–६ की २२ वर्षीया सम्पदा आले मगरको शव पहिरोले पुरिएको अवस्थामा भेटिएसँगै मृतकको सङ्ख्या ३० पुगेको हो। बेपत्ताहरूको खोजी कार्य भइरहेको जिल्ला प्रहरी कार्यालय पाँचथरले जनाएको छ।
