-
-
-
-
काठमाडौं । अमेरिकाले दिएको १ लाख डोज फाइजर खोप नेपाल आइपुगेको छ । नेपालस्थित अमेरिकी दुतावासका अनुसार अमेरिकाले कोभ्याक्ससुविधा माफर्त नेपाललाई १ लाख ६२० डोज अनुदानमा दिएको हो ।
खोप विहान ९ बजे कतार एयरको नियमित उडानबाट काठमाडौं ल्याइएको दूतावासले जनाएको छ । खोप टेकुस्थित आपूर्ति शाखामा भण्डारणका लागि राखिने जनाइएको छ । अमेरिकाले यसअघि १५ लाख डोज जोनसन एण्ड जोनसन खोप नेपाललाई अनुदानमा दिएको थियो ।
१२ वर्षमाथिका व्यक्तिहरुलाई लगाउन यो खोप कार्तिक २८ गतेबाट लगाउन शुरु गरिने स्वास्थ्य तथा जनसंख्या मन्त्रालयले यस अघि नै जनाइसकेको छ ।
