-
-
-
-
काठमाडौं। पछिल्लो २४ घण्टामा ७ सय ७६ जनामा कोरोना भाइरसको सङ्क्रमण पुष्टि भएको छ। योसँगै हालसम्म पिसिआर विधिबाट ८ लाख ९ हजार ७ सय २९ जनामा र एन्टिजेन विधिबाट ९४ हजार १ सय १८ जनामा कोरोना भाइरसको सङ्क्रमण पुष्टि भएको छ।
यसै समयावधिमा ५ सय १ जना कोरोना भाइरसबाट सङ्क्रमणमुक्त भएका छन् । योसँगै हालसम्म सङ्क्रमणमुक्त हुनेको सङ्ख्या ७ लाख ८८ हजार ८ पुगेको छ।
पछिल्लो २४ घण्टामा १३ जना सङ्क्रमितको मृत्यु भएको छ । योसँगै हालसम्म मृत्यु हुनेको सङ्ख्या ११ हजार ३ सय ६१ पुगेको छ।
पछिल्लो २४ घण्टामा १० हजार ८ सय ६४ जनाको नमुना परीक्षण गरिएको छ। हाल सक्रिय सङ्क्रमितको सङ्ख्या १० हजार ३ सय ६० रहेको छ।
