न्यायाधीशहरुले इजलास बहिष्कार गरिरहेका बेला प्रधानन्यायाधीशले तोके ११ इजलास
हाम्रा कुरा
प्रकाशित २०७८ कार्तिक १० बुधबार
364
Shares
काठमाडौं । प्रधानन्यायाधीश चोलेन्द्र शम्शेर जबराले विवादकैबीच बुधबार ११ इजलास तोकेका छन् । तीन दिनयता न्यायाधीशहरु इजलास नै नगइरहेका बेला जबराले इजलास तोकेका हुन् ।
अन्य न्यायाधीशहरुले पेसी बहिष्कार गरिरहेकाबेला प्रधानन्यायाधीश जबराले बुधबार आफू मात्रै रहने पूर्ण इजलासमा पनि पेसी तोकेका छन् ।
जबराको नेतृत्व क्षमतामाथि प्रश्न उठाउँदै सोमबार र मंगलबार न्यायाधीशरु इजलास नगइ प्रधानन्यायाधीशलाई भेटेर मार्ग प्रसस्त गर्न सुझाव दिएका थिए ।
तर बुधबार जबराले आफ्ना लागि ५ वटा मुद्दा राखेर पेसी तोकेका छन् । तर अन्य न्यायाधीशहरुले पेसी बहिष्कार गर्ने गरी बिहान ११ः३० बजेलाई बैठक बोलाएका छन् ।
यता, कानुन व्यवसायीहरुको छाता संगठन नेपाल बार एसोसिएसनले जबरा प्रधानन्यायाधीश रहेसम्म मुद्दामा बहस नगर्ने निर्णय गरिसकेका छन् ।
