-
-
-
-
काठमाडौँ। पछिल्लो २४ घण्टामा ५ सय ३३ जनामा कोरोना भाइरसको संक्रमण पुष्टि भएको छ। योसँगै हालसम्म नेपालमा पीसीआर विधिबाट ८ लाख १३ हजार ११ जनामा र एन्टीजेन विधिबाट ९४ हजार ६ सय २७ जनामा कोरोना भाइरसको संक्रमण पुष्टि भएको छ।
यसै समयावधिमा ४ सय ९० जना कोरोना भाइरसबाट संक्रमणमुक्त भएका छन्। योसँगै हालसम्म संक्रमणमुक्त हुनेको सङ्ख्या ७ लाख ९२ हजार २ सय ७७ जना पुगेको छ।
पछिल्लो २४ घण्टामा ९ जना संक्रमितको मृत्यु भएको छ। योसँगै हालसम्म मृत्यु हुनेको सङ्ख्या ११ हजार ४ सय १६ पुगेको छ।
पछिल्लो २४ घण्टामा ११ हजार ६ सय ६४ जनाको नमुना परीक्षण गरिएको छ। हाल सक्रिय संक्रमितको सङ्ख्या ९ हजार ३ सय १८ रहेको छ।
