-
-
-
-
काठमाडौं । नेपालीहरुको दोस्रो ठूलो चाड तिहार (वा यमपञ्चक वा भाइटीका वा दिपावली) शुरु भएको छ । नेपाल पञ्चाङ्ग निर्णायक समितिले मंगलबार बेलुकी यमदीपदान शुरु गर्नुपर्ने जनाएको छ । योसँगै तिहार शुरु भएकोछ ।
सोमबार एकादशी परेको र मंगलबार द्धादशीसँगै बेलुकी त्रयोदशी पनि लागेसँगै सोही दिन यमपञ्चक गर्नुपर्ने समितिको ठहर छ ।
बुधबार बिहान ७ः१४ बजेसम्म त्रयोदशी तिथि छ । त्रयोदशीमा सूर्योदय भएका दिन काग तिहार मनाइन्छ । बिहान ७ः१५ देखि चतुर्दशी तिथि लाग्ने भएकाले कुकुर तिहार पनि बुधबार नै परेको छ ।
यसपालि यमदीपदान अघिल्लो दिन भएर काग तिहार र कुकुर तिहार भने अर्को दिन अर्थात् बुधबार परेको छ । धनवन्तरी जयन्ती र धनतेरस पर्व पनि मंगलबारै परेको छ ।
बिहीबार बिहान नरक स्नान साँझ लक्ष्मीपूजा हुनेछ ।
शुक्रबार गाई, गोरु र आत्म (म्ह) पूजा हुनेछ ।
शनिबार कार्तिक १९ गते भाइटीका हुनेछ ।
उत्तम साइत बिहान ११ः०२ मा रहेको समितिले जनाएको छ ।
