-
-
-
-
काठमाडौँ। पछिल्लो २४ घण्टामा ४ सय ६९ जनामा कोरोना भाइरसको संक्रमण पुष्टि भएको छ। योसँगै हालसम्म नेपालमा पीसीआर विधिबाट ८ लाख १३ हजार ४ सय ३३ जनामा र एन्टीजेन विधिबाट ९४ हजार ६ सय ७४ जनामा कोरोना भाइरसको संक्रमण पुष्टि भएको छ।
यसै समयावधिमा ५ सय ५५ जना कोरोना भाइरसबाट संक्रमणमुक्त भएका छन्। योसँगै हालसम्म संक्रमणमुक्त हुनेको सङ्ख्या ७ लाख ९२ हजार ८ सय ३२ जना पुगेको छ।
पछिल्लो २४ घण्टामा ११ जना संक्रमितको मृत्यु भएको छ। योसँगै हालसम्म मृत्यु हुनेको सङ्ख्या ११ हजार ४ सय २७ पुगेको छ।
पछिल्लो २४ घण्टामा १० हजार २ सय ८७ जनाको नमुना परीक्षण गरिएको छ। हाल सक्रिय संक्रमितको सङ्ख्या ९ हजार १ सय ७४ रहेको छ।
