-
-
-
-
काठमाडौँ। पछिल्लो २४ घण्टामा ४ सय ४७ जनामा कोरोना भाइरसको संक्रमण पुष्टि भएको छ। योसँगै हालसम्म नेपालमा पीसीआर विधिबाट ८ लाख १३ हजार ८ सय २८ जनामा र एन्टीजेन विधिबाट ९४ हजार ७ सय २६ जनामा कोरोना भाइरसको संक्रमण पुष्टि भएको छ।
यसै समयावधिमा ४ सय ३९ जना कोरोना भाइरसबाट संक्रमणमुक्त भएका छन्। योसँगै हालसम्म संक्रमणमुक्त हुनेको सङ्ख्या ७ लाख ९३ हजार २ सय ७१ जना पुगेको छ।
पछिल्लो २४ घण्टामा ७ जना संक्रमितको मृत्यु भएको छ। योसँगै हालसम्म मृत्यु हुनेको सङ्ख्या ११ हजार ४ सय ३४ पुगेको छ।
पछिल्लो २४ घण्टामा ९ हजार ९ सय १३ जनाको नमुना परीक्षण गरिएको छ। हाल सक्रिय संक्रमितको सङ्ख्या ९ हजार १ सय २३ रहेको छ।
