जनगणना गर्न छाङ्गरु गएको टोली हेलिकप्टरबाट खलङ्गा ओर्लियो

हाम्रा कुरा

प्रकाशित २०७८ मंसिर ९ बिहिबार

दार्चुला । व्यास गाउँपालिका-१ को छाङ्गरु र तिङ्करमा जनगणना गर्न गएका गणक टोलीलाई हेलिकप्टरले सदरमुकाम खलङ्गा झारेको छ । भौगोलिक कठिनाइ चिर्दै जनगणनाका लागि व्यास पुगेका सहायक जिल्ला जनगणना अधिकारी खगेन्द्र कार्कीलाई बिहीबार सुर्खेतबाट आएको हेलिकप्टरले खलङ्गा ल्याएको हो।

व्यासबाट खलङ्गा आउन बाटो जोखिमपूर्ण हुँदा हेलिकप्टरको माग गरिएको थियो । छाङ्गरु र तिङ्करमा जनगणना गर्न शुक्रवार सहायक जिल्ला जनगणना अधिकारी कार्की एक जना सहयोगी साथमा लिएर खलङ्गाबाट हिँडेका थिए । उनले तीन दिनमा त्यहाँको गणना गरेको बताइएको छ ।

तिङ्करका बासिन्दा त्यहाँबाट बसाइ सरि खलङ्गा आएकाले उनीहरूको जनगणना सदरमुकाममै हुने जिल्ला जनगणना कार्यालय दार्चुलाले जनाएको छ ।