-
-
-
-
सोलुखुम्बु। नेपाली कांग्रेस सोलुखुम्बुको सभापतिमा नाम्गेल जाङबु शेर्पा निर्वाचित भएका छन् । संस्थापन निकट सोलुदुधकुण्ड नगरपालिकाका मेयर शेर्पाले निवर्तमान पार्टी सभापति विनोद बस्नेतलाई पराजित गरेका हुन् ।
पहिलो चरणको निर्वाचनमा दुवै उम्मेदवारको खसेको मतको ५० प्रतिशत मत नआएपछि दोस्रो चरणको निर्वाचन मिति तय गरिएको थियो । निर्वाचनमा ८९७ मत खसेको छ ।
पहिलो चरणको निर्वाचनमा बस्नेतले ४२८ र शेर्पाले ४१८ मत ल्याएका थिए । त्यसबेला ८८३ मत खसेको थियो । दोस्रो चरणमा १५ मत बढी ८९८ मत खसेको थियो ।
