-
-
-
-
काठमाडौं । कोरोना भाइरसको नयाँ बढी संक्रामक र घातक मानिएको भेरियन्ट ओमिक्रोन भारतमा पनि फेला परेको छ ।
विदेशबाट आएका कर्नाटकका दुई पुरुषमा ओमिक्रोनको संक्रमण देखिएको भारतको स्वास्थ्य मन्त्रालयले बिहीबार जानकारी दिएको हो ।
ती व्यक्तिसँग सम्पर्कमा रहेकाहरुको खोजी एवं परीक्षण भइरहेको मन्त्रालयले बताएको छ । मन्त्रालयले मानिसहरुलाई चिन्ता नलिन र स्वास्थ्य मापदण्ड पालना गर्न आग्रह गरेको छ ।
ओमिक्रोन अहिलेसम्म २९ देशमा फैलिसकेको छ । यो भेरियन्ट कति खतरनाक छ भन्ने कुरा अध्ययनका क्रममा छ ।
