-
-
-
-
पोखरा । पर्यटनमन्त्री प्रेम आलेले शुक्रवार पोखरा क्षेत्रीय अन्तर्राष्ट्रिय विमानस्थल निरीक्षण गरेका छन् । उनले विमानस्थलमा पुगेर निरीक्षण काम प्रगतिबारे जानकारी लिएका हुन् ।
त्यस क्रममा विमानस्थल निर्माणको प्रगति र समस्याबारे विमानस्थल निर्माण आयोजना प्रमुख ई. विनिश मुनकर्मीले मन्त्री आलेलाई जानकारी गराएका थिए ।
उक्त अवसरमा मन्त्री आलेले विमानस्थल निर्माणको काम समयमै सम्पन्न गर्न निर्देशन दिए ।
साथै मन्त्री आले आयोजना प्रमुख मुनकर्मीसँग काम प्रगतिमा समस्या मात्र सुनाएको भन्दै रिसाएका थिए । मुनकर्मीले बजेट अभावमा केही काम रोकिएको बताएका थिए ।
मन्त्री आलेले समस्या समाधान गरेर तुरुन्त काम सुचारु गर्न निर्देशन दिए । समस्या देखाउने मात्र होइन समस्या समाधान गरेर काम थाल्न उनले निर्देशन दिए ।
