पोखरा । भारतको पुनेमा निर्मित भिबोनका कुर्चीहरु पोखरामा विक्री शुरु भएको छ । पोखराको न्यूरोडस्थित सिटिजन फर्निचर एण्ड ट्रेड लिंकले भिवोनका कुर्चीहरु विक्री शुरु गरेको हो ।
दुई वर्षदेखि नेपालमा विक्री हुँदै आएका भिवोनका कुर्चीहरु पोखरामा भित्याइएको हो । पोखरासंगै नेपालका विभिन्न आठ शहरमा भिबोनका कुर्चीहरु पाइने बताइन्छ ।
मानिसको शरीर बनावटसंग सन्तुलन राख्न पनि भिबोनका कुर्चीहरु अत्यन्तै उपयुक्त रहेको कम्पनीका नेपाल प्रमुख प्रवीन श्रीवास्तवले जानकारी दिए ।
सिंगल लकिङ तथा मल्टिपल लकिङ सिस्टमको भिबोनका कुर्चीमा पाँच पोजिसनमा मानिसको शरीर बनोट अनुसार मिलाउन सकिने उनले बताए ।
कुर्ची विश्वस्तरीय, एक हजार केजी क्षमताको, मानिसलाई एलर्जी हुनबाट जोगाउने श्रीवास्तवले जानकारी दिए ।
उनका अनुसार भिबोनको कुर्चीहरुका मूल्य १० हजार ६०० देखि एक लाख २९ हजार रुपैयाँसम्मका छन् ।
यस कम्पनीका जुनसुकै कुर्चीहरुमा दुई वर्षको वारेन्टी रहेको भन्दै श्रीवास्तवले कुर्चीले लोकप्रियता हासिल गर्दै गइरहेको बताए ।
सिटिजन फर्निचरका सञ्चालक दीपक कार्कीले पोखरेलीले भिबोनका कुर्चीहरु निकै मन पराउने विश्वास व्यक्त गरे ।
आफूले विभिन्न देशका र विभिन्न कम्पनीका फर्निचरका समानहरुको विक्री वितरण गर्दै आइरहेको भन्दै भिबोनका कुर्चीहरुले छिट्टै लोकप्रियता हासिल गर्ने बताए ।
पोखरेलीको मायाले छिट्टै डिलरमिट आयोजना गर्न आफू सफल हुने कार्कीले दावी गरे ।
उनले भिबोनका कुर्चीहरु विक्री शुभारम्भको अवसरमा १० दिन १५ प्रतिशत छुट दिने बताए ।
भिबोनका कुर्चीहरु विभिन्न २६ प्रकार र विभिन्न कलरमा उपलव्ध छ ।
कम्पनीका एरिया सेल्स म्यानेजर मनोज कुमार घिमिरेका अनुसार भिबोनको कर्पोरेट अफिस सिंगापुरमा रहेको छ ।
भिबोनको नेपालका लागि आधिकारिक विक्रेता कनक न्यू ट्रेडर्स रहेको छ ।
