-
-
-
-
काठमाडौं । पछिल्लो २४ घण्टामा थप २५४ जनामा कोरोना भाइरसबाट संक्रमण पुष्टि भएको छ । योसँगै हालसम्म नेपालमा ८ लाख २४ हजार २ सय २२ जनामा पीसीआर र ९५ हजार ७ सय ८२ जनामा एन्टीजेन विधिबाट संक्रमण पुष्टि भएको छ ।
संक्रमितमध्ये ८ लाख ६ हजार ७ सय ७८ जना निको भइसकेका छन् भने, ११ हजार ५ सय ५४ जनाको मृत्यु भएको छ।
पछिल्लो २४ घण्टामा ६ हजार २ सय ६८ पीसीआर परीक्षण गरिएकामध्ये २४२ र २ हजार ४ सय १४ एन्टीजेन मध्ये १२ जनामा संक्रमण पुष्टि भएको हो। कुल ८ हजार ६ सय ८२ जनाको नमुना परीक्षण गरिएको थियो ।
यसै समयावधिमा २ सय ३४ जना कोरोना भाइरसबाट संक्रमणमुक्त भएका छन् । पछिल्लो २४ घण्टामा थप १ जना संक्रमितको मृत्यु भएको छ । हाल सक्रिय संक्रमीतको संख्या ५ हजार ८ सय ९० रहेको छ ।
