-
-
-
-
पोखरा । पोखरा महानगरपालिका वडा नं. ५ स्थित एक घरमा गएराति आगलागी भएको छ ।
आगलागीबाट मदन मार्गस्थित सो घर जलेर नष्ट भएको छ । स्थानीय अयोध्या बाटाजुको घरमा आगलागी भएको हो ।
उनको घरमा रहेको होटलबाट आगो लागेको बताइएको छ ।
आगलागी हुँदा घरमा रहेका सबै सामानहरु जलेर नष्ट भएका छन् भने घरसमेत बस्न नमिल्ने गरी जलेको छ ।
आगलागीपछि पोखरा महानगरपालिकाका दुईवटा दमकल, स्थानीय र प्रहरीको सहयोगमा आगो नियन्त्रणमा आएको कास्की प्रहरी प्रवक्ता डिएसपी सुन्दर तिवारीले जानकारी दिए ।
क्षतिको विवरण आउन बाँकी रहेको प्रहरीले जनाएको छ ।
