-
-
-
-
काठमाडौं । पछिल्लो २४ घण्टामा थप २ सय २० जनामा कोरोना भाइरसबाट संक्रमण पुष्टि भएको छ। यसै समयावधिमा २ सय ६३ जना कोरोना भाइरसबाट संक्रमणमुक्त भएका छन् भने, थप १ जनाको मृत्यु भएको छ।
योसँगै हालसम्म नेपालमा ८ लाख २५ हजार ९ सय ५४ जनामा पीसीआर र ९५ हजार ९ सय ८३ जनामा एन्टीजेन विधिबाट संक्रमण पुष्टि भएको छ । संक्रमितमध्ये ८ लाख ९ हजार १ सय ५५ जना निको भइसकेका छन् । ११ हजार ५ सय ७४ जनाको मृत्यु भएको छ।
पछिल्लो २४ घण्टामा २ हजार ७ सय २५ पीसीआर परीक्षण गरिएकामध्ये १ सय १८ र १ हजार ४ सय १६ एन्टीजेनमध्ये २ जनामा संक्रमण पुष्टि भएको हो। कुल ४ हजार १ सय ४१ जनाको नमुना परीक्षण गरिएको थियो।
पीसीआर परीक्षणमा मात्रै संक्रमित देखिनेको सङ्ख्या हेर्दा कोरोना भाइरसको संक्रमण दर ८ प्रतिशत देखिएको छ । यसअघि हिजो अर्थात् आइतबार पीसीआर परीक्षणमा मात्रै संक्रमण दर २.७५ प्रतिशत देखिएको थियो ।
हाल सक्रिय संक्रमितको सङ्ख्या ५ हजार २ सय २५ रहेको छ।
