-
-
-
-
म्याग्दी । म्याग्दीमा गएको सुख्खा पहिरोमा पुरिएर एक जनाको मृत्यु भएको छ ।
मृत्यु हुनेमा रघुगङ्गा गाउँपालिका वडा नं. २ का २७ वर्षका भीमबहादुर खत्री रहेको म्याग्दी प्रहरीले जनाएको छ ।
रघुगङ्गा गाउँपालिका वडा नं. ४ दग्नाममा तुदी पावर कम्पनीद्वारा निर्माणाधीन ४८.५ मेगावाट क्षमताको अपर राहुघाट जलविद्युत आयोजनाको सडक निर्माणका क्रममा सुख्खा पहिरो जाँदा खत्रीसहित स्काभेटर पुरिएको थियो ।
प्रहरी निरीक्षक वीरेन्द्रराज गुरुङका अनुसार नेपाली सेना र प्रहरीसहितको टोलीले खत्रीको शव निकाल्ने प्रयास गरिरहेको छ ।
खत्रीको शव स्काभेटरभित्रै रहेकाले निकाल्न कठिन भइरहेको उनले जानकारी दिए ।
