-
-
-
-
पोखरा। पोखरामा भरुवा बन्दुकसहित एक युवक पक्राउ परेका छन्। पक्राउपर्नेमा कास्की माछापुच्छ्रे गाउँपालिका वडा नं.५ रिभानका वर्ष ३४ का गणेश गुरुङ रहेका छन् ।
ईलाका प्रहरी कार्यालय शिशुवा र वडा प्रहरी कार्यालय गगनगौंडाबाट खटिएको प्रहरी टोलीले बुधबार दिउसो ३ बजे पोखरा ३२ मजुवास्थित गगनगौंडाबाट उनलाई पक्राउ गरेको हो ।
बोराभित्र लुकाई छिपाई भरुवा बन्दुक लिएर हिँडिरहेको अवस्थामा गुरुङलाई पक्राउ गरिएको कास्की प्रहरी प्रवक्ता एवं डिएसपी सुन्दर तिवारीले जानकारी दिए ।
गुरुङको साथबाट एक नाले भरुवा बन्दुक एक थान, सोही बन्दुकमा लाग्ने केप-१ थान र बारुद १५ ग्राम बरामद भएको डिएसपी तिवारीले जानकारी दिए ।
उनलाई कास्की जिल्ला अदालतबाट हातहतियार तथा खरखजाना सम्बन्धी कसुरमा आज दिनम्याद थप गरी अनुसन्धान कार्य अघि बढाइएको प्रहरीले जनाएको छ ।
