टेक्सस । अमेरिकाको टेक्ससमा एउटा एयर बेलुनमा आगलागी हुँदा त्यसमा सवार सबै १६ जनाको मृत्यु भएको छ । अस्टिनबाट ३० माइल टाढा कुनै हाइ भोल्टेजको पावरमा ठोक्किएर सो दुर्घटना भएको जनाइएको छ ।
मृतकमा एक चालक तथा बाँकी १५ जना यात्रु हुन् ।
एक घण्टाका लागि उडेको बेलुन आधा घण्टामा नै खसेको थियो । घटनाबारे छानबिन भइरहेको अमेरिकी अधिकारीहरुले जनाएका छन् ।
यो घटना अमेरिकी इतिहासमा दोस्रो हो ।
यसअघि सन् १९९३ मा कोलोराडोमा भएको यस्तै घटनामा ६ जनाको मृत्यु भएको थियो ।
बेलुनको यो घटनालाई अमेरिकाको इतिहासमा सबैभन्दा खतरा मानिएको छ ।
