-
-
-
-
काठमाडौं । पछिल्लो २४ घण्टामा थप २ सय ६४ जनामा कोरोना भाइरसबाट संक्रमण पुष्टि भएको छ। यसै समयावधिमा ३ सय ६० जना कोरोना भाइरसको संक्रमणबाटमुक्त भएका छन् । पछिल्लो २४ घण्टामा थप २ जनाको मृत्यु भएको छ ।
हालसम्म नेपालमा ८ लाख २७ हजार ७ सय ६३ जनामा पीसीआर र ९६ हजार १ सय ७४ जनामा एन्टीजेन विधिबाट संक्रमण पुष्टि भएको छ । संक्रमितमध्ये ८ लाख ११ हजार २ सय ६५ जना निको भइसकेका छन् । ११ हजार ५ सय ८८ जनाको मृत्यु भएको छ।
पछिल्लो २४ घण्टामा १२ हजार ५ सय ६६ जनाको नमुना परीक्षण गरिएको थियो । हाल सक्रिय संक्रमितको सङ्ख्या ४ हजार ९ सय १० रहेको छ ।
नेपालमा १ करोड २ लाख २९ हजार १ सय ४४ जनाले पूर्ण खोप लगाइसकेका छन् । हालसम्म नेपालमा कोभिड१९विरुद्धको ३ करोड ९२ लाख ३ हजार ९ सय २७ डोज खोप भित्रिएको छ । यसमध्ये २ करोड ४० लाख २३ हजार ५ सय ६१ डोज खोप लागिसकेको छ ।
