-
-
-
-
पोखरा । जिल्ला प्रहरी कार्यालय कास्कीले लागुऔषध गाँजासहित एक युवकलाई पक्राउ गरेको छ । पक्राउ पर्नेमा स्याङ्जा जिल्लाको वालिङ नगरपालिका वडा नं. ४ घर भई पोखरा महानगरपालिका वडा नं. १७ घारीपाटन बस्ने २४ वर्षीय विक्रम गुरुङ रहेका छन् ।
उनी दुई किलो ७३० ग्राम गाँजासहित पक्राउ परेको कास्की प्रहरी कार्यालय कास्कीका डिएसपी एवं प्रवक्ता सुन्दर तिवारीले जानकारी दिए । गुरुङलाई वडा प्रहरी कार्यालय गगनगौंडाबाट खटिएको प्रहरी टोलीले पोखरा-३२ मझुवाबाट पक्राउ गरेको हो ।
पृथ्वी राजमार्गमा सवारी साधन चेकजाँच गर्ने क्रममा उनी पक्राउ परेको बताइन्छ । गुरुङलाई लागुऔषध मुद्दामा जिल्ला अदालतबाट पाँच दिन म्याद थप गरी अनुसन्धान भइरहेको प्रहरीले जनाएको छ ।
