गोठाला जाँदा बेपत्ता भएका बालक मृत भेटिए

हाम्रा कुरा

प्रकाशित २०७८ पुष १४ बुधबार

पर्वत । पर्वतमा गोठाला जाँदा बेपत्ता भएका बालक १७ दिनपछि मृत फेला परेका छन् । गत मंसिर २४ गतेदेखि हराइरहेका मोदी गाउँपालिका वडा नं. ६ तिलाहारका १२ वर्षीय सन्देश लामिछाने मंगलबार साँझ मृत भेटिएका हुन् ।

रात्माटा र दराकको बिचमा पर्ने खोपी भन्ने स्थानमा मृत भेटिएका हुन् । उनी घरबाट गोरु चराउन घरबाट निस्किएका थिए । पर्वत प्रहरीले दिएको जानकारी अनुसार गोरु चराउन गएका उनी घर नफर्किएपछि गाउँलेहरुले खोजी गरिरहेका थिए ।

मंसिर २४ गते दिउँसो गोरु फुकाएर चराउन निस्किएकामा सोही दिन बेलुका गोरु फर्किएको र उनी नफर्किएपछि गाउँलेहरुले खोजी सुरु गरेका थिए ।