-
-
-
-
रुपन्देही । सिके राउतको समूहले रुपन्देहीको भैरहवा-लुम्बिनी हुलाकी सडक खण्डमा बिहीबार टायर बालेर आन्दोलन गरेको छ । देशव्यापी रूपमा आन्दोलन गर्ने आफ्नो समूहको निर्णय अनुसार रुपन्देहीमा पनि आन्दोलन गरिएको सो समूहले जनाएको छ ।
केहीबेर अगाडि उक्त समूहले भैरहवा -लुम्बिनी हुलाकी सडक खण्ड अवरुद्ध गरेको वेथरी प्रहरी प्रमुख प्रकाश शाहले जानकारी दिए ।
उनले भने, आन्दोलनका क्रममा कुनै अप्रिय घटना भएन । आफ्नो आन्दोलन सकेर आन्दोलनकारी फर्की सके ।
रुपन्देहीको मायादेवी गाउँपालिका वडा नं ७ वनगाँई र धकधईमा सिके राउत समूहका कार्यकर्ताहरूले आन्दोलन गरेको रुपन्देही प्रहरीले जनाएको छ ।
