-
-
-
-
मनाङ । मनाङमा हिमपहिरोमा परी एक जनाको मृत्यु भएको छ । मृत्यु हुनेमा मनाङ नासों गाउँपालिका वडा नं. ४ ओडार बस्ने वर्ष ५५ को आजुङ लाटा गुरुङ भन्ने आच्यु गुरुङ रहेका छन् ।
पुस १४ गते साँझ ५ बजे तपकीस्थित भेडी गोठबाट घर फर्कनेक्रममा दफाडी जंगलमा हिमपहिरोमा परी उनी सम्पर्क बिहीन भएका थिए ।
उनी हराएको खबर पाएपछि प्रहरीले खोजी गर्नेक्रममा आज बिहान उनी मृत फेला परेका हुन् ।
मनाङ नासों गाँउपालिका नं. ४ फ्लेमरो जंगलस्थित रउ भीरमा हिउले पुरिएर मृत अवस्थामा फेला परेको गण्डकी प्रदेश प्रहरी कार्यालय पोखराले जनाएको छ ।
