नेपालमा कोरोनाको रफ्तार बढ्दो, थपिए नौ सय ४४ संक्रमित, परीक्षणको ७.१३ प्रतिशतमा संक्रमण
थपिएकामा उपत्यकाका मात्रै ४८१ जना
हाम्रा कुरा
प्रकाशित २०७८ पुष २४ शनिबार
1k
Shares
काठमाडौं । नेपालमा कोरोना भाइरसको रफ्तार बढ्दो क्रममा रहेको छ । लगातार दोस्रो दिन हजार नजिक संक्रमित थपिएका हुन् । शुक्रबार ९६८ संक्रमित थपिएकामा शनिबार ९४४ संक्रमित थपिएका हुन् ।
तुलनात्मक रुपमा परीक्षण पनि कम गरिएको छ । १३ हजार २६४ जनाको परीक्षण गरिएकामा ७ दशमलव १२ प्रतिशतमा संक्रमण देखिएको हो । ९ हजार ७६२ जनाको पीसीआर परीक्षणबाट ७ दशमलव १३ प्रतिशत अर्थात् ६९६ जना संक्रमित पाइएका हुन् ।
त्यस्तै ३ हजार ५०२ जनाको एन्टिजेन परीक्षणबाट २४८ संक्रमित पाइएका हुन् ।
जम्मा २९७ जनामात्र संक्रमण मुक्त भएका छन् । आज थप कसैको मृत्यु नभएको स्वास्थ्य तथा जनसंख्या मन्त्रालयले जनाएको छ ।
पीसीआर परीक्षणबाट आज थपिएकामा उपत्यकाका मात्रै ४८१ जना हुन् । काठमाडौंका ३६२, ललितपुरका ९४, भक्तपुरका २५ जना हुन् । त्यस्तै कास्कीका २०, कञ्चनपुरका ५१ जना हुन् ।
अहिले सक्रिय संक्रमित बढेर ६ हजार १४० पुगिसकेका छन् । अहिलेसम्म ११ हजार ६०२ को ज्यान गइसकेको छ ।
पछिल्लो २४ घण्टामा २ लाख ४३ हजार ४६० जनाले कोरोनाविरुद्धको खोप लगाएका छन् ।
