तनहुँ । तनहुँमा आज बिहान सवारी दुर्घटना हुँदा एक जनाको मृत्यु भएको छ । मृत्यु हुनेमा म्याग्दे गाउँपालिका वडा नं. ६ अकलाका ५३ वर्षका हरिबहादुर थापा रहेका छन् ।
उनी सवारी चालक भएको जिल्ला ट्राफिक प्रहरी कार्यालयले जनाएको छ । दमौलीबाट डुम्रेतर्फ जाँदै गरेको ग३च ३७७८ नं. को पिकप भ्यान आज बिहान ३ बजे व्यास नगरपालिका वडा नं. १ तालघरेस्थित सडकमा पल्टिएको थियो ।
घटनामा परी गम्भीर घाइते भएका थापाको दमौली अस्पतालमा उपचारका क्रममा ज्यान गएको प्रहरीले जनाएको छ ।