उग्र रूपमा बढ्यो काेराेना संक्रमण, १ हजार १६७ संक्रमित थपिए
हाम्रा कुरा
प्रकाशित २०७८ पुष २५ आइतबार
531
Shares
काठमाडौं । नेपालमा कोरोना भाइरसको संक्रमण तीव्र रूपमा बढेको छ । संक्रमण बढेसँगै पछिल्लो २४ घण्टामा थप १ हजार १ सय ६७ जना नयाँ संक्रमित थपिएका छन् । नयाँ संक्रमितमध्ये आधा भन्दा बढी अर्थात् ६१५ काठमाडौं उपत्यकाका हुन् ।
काठमाडौंमा ४९१, भक्तपुरमा १५ र ललितपुरमा ९९ जना नयाँ संक्रमित थपिएका छन् ।
१२ हजार ६३२ जनाको परीक्षण हुँदा एघार सय भन्दा बढी संक्रमित थपिएको आइतबारको प्रेस ब्रिफिङमा स्वास्थ्य तथा जनसङ्ख्या मन्त्रालयकी प्रवक्ता डा सङ्गीता कौशल मिश्राले जानकारी दिएकी हुन् ।
प्रवक्ता मिश्राका अनुसार पीसीआर परीक्षणबाट ८४१ र एन्टिजेन परीक्षणबाट ३२६ जनामा कोरोना भाइरसको संक्रमण पुष्टि भएको हो ।
यसै समयावधिमा निको हुनेको सङ्ख्या २२४ रहेको छ भने, थप २ जना संक्रमितको मृत्यु भएको छ । यस्तै सक्रिय संक्रमित सङ्ख्या समेत बढेर ६ हजार ७५५ पुगेको छ ।
