-
-
-
-
बागलुङ । बागलुङको एक बाख्रा फार्ममा आगलागी हुँदा १८ वटा भेडा बाख्रा जलेर नष्ट भएका छन् । जैमिनी नगरपालिका वडा नं. १० राङ्गखानीस्थित बाख्रा फर्ममा आगलागी हुँदा १८ भेडाबाख्रा नष्ट भएका हुन् ।
आईतबार साझ राङखानीको माझगाँउ ठूलो ढुङ्गास्थित राङ्गखानी कृषि तथा पशुपंक्षी फर्ममा विद्युत सर्ट भएर आगलागी हुँदा १८ भेँडाबाख्रा जलेर नष्ट भएको फर्म सञ्चालक जमुना थापा श्रीषले बताइन् ।
आगलागीमा परेर माउ भेडा तीन, माउ बाख्रा १०, बोका तथा पाठापाठी पाँच गरेर कुल १८ भेडा बाख्रा तथा फर्म पूर्णरुपमा नष्ट भएको श्रीषको भनाइ छ ।
आगलागीबाट चार लाख बराबरको क्षति भएको बताइएको छ । श्रीषले तीन वर्षदेखि बाख्रापालन व्यवसाय गर्दै आएकी थिइन् ।
