-
-
-
-
काठमाडौं । पछिल्लो २४ घण्टामा थप २ हजार ४ सय ४४ जनामा कोरोना भाइरसको संक्रमण पुष्टि भएको छ । संक्रमण दर पीसीआर परीक्षणबाट १८.६ , एन्टीजेनमा १०.६ र समग्रमा १६.३ प्रतिशत देखिएको छ ।
यो अवधिमा १० हजार ६४८ जनाको पीसीआर र ४ हजार ३८५ जनाको एन्टीजेन विधिबाट नमुना परीक्षण गरिएको थियो ।
पीसीआरबाट १९८१ र एन्टीजेनबाट ४६३ जनामा संक्रमण पुष्टि भएको हो ।
नयाँ थपिनेमा ९३० काठमाडौं, ८५ भक्तपुर र २२१ ललितपुरका हुन् ।
यसै समयावधिमा थप १ जनाको मृत्यु भएको छ भने, ३१३ जना सङ्क्रमणमुक्त भएका छन् । सक्रिय संक्रमित सङ्ख्या समेत बढेर ९ हजार ५ सय २२ पुगेको छ ।
