-
-
-
-
पोखरा । पोखराको फेवातालमा एक वृद्ध मानिस मृत भेटिएका छन् । करिब ८० वर्षका वृद्धको पहिचान भने हुन सकेको छैन ।
शुक्रबार बिहान फेवातालमा तैरिरहेको अवस्थामा वृद्ध मानिसको शव फेला परेको हो । स्थानीयले तालमा तैरिरहेका मानिस देखेपछि प्रहरीलाई खबर गरेका थिए ।
प्रहरीका अनुसार ती वृद्धको शव पोष्टमार्टमका लागि पोखरा स्वास्थ्य विज्ञान प्रतिष्ठानको पश्चिमाञ्चल क्षेत्रीय अस्पताल राखिएको छ ।
घटनाका सम्बन्धमा अनुसन्धान शुरु गरिएको कास्की प्रहरीले जनाएको छ ।
