देशका आधा संक्रमित उपत्यकामै, सक्रिय संक्रमित अझै बढी

हाम्रा कुरा

प्रकाशित २०७८ माघ १ शनिबार

काठमाडौं । पछिल्लो २४ घण्टामा देशभर ४ हजार ६ सय ३६ कोरोना संक्रमित थपिएका छन् । नयाँ थपिनेमध्ये झन्डै आधा संक्रमित अर्थात् २ हजार २ सय १९ जना काठमाडौं उपत्यकामै मात्रै थपिएका छन् ।

जसमा काठमाडौंका १५९१, भक्तपुरका १४२ र ललितपुरका ४८६ संक्रमित थपिएका छन् । आज १० हजार ४ सय १२ जनाको पीसीआर र ४ हजार १ सय ४४ जनाको एन्टिजेन विधि गरी १४ हजार ५ सय ५६ जनाको नमूना परीक्षण हुँदा संक्रमण दर ३१.५ प्रतिशत देखिएको छ ।

यस अवधिमा ३ सय ५० जनामात्र संक्रमणमुक्त भएका छन् । थप ४ जनाको मृत्यु भएको छ । केही दिनयता दैनिक एकदुई जनाको मृत्यु भइरहेका बेला आज मृत्यु हुनेको संख्या बढेर ४ जना पुगेको हो ।