तिनाउ किनारमा आगो तापिरहेका बेला ढिस्कोले पुर्दा दुईको मृत्यु, तीन घाइते

हाम्रा कुरा

प्रकाशित २०७८ माघ ६ बिहिबार

बुटवल । जाडो छल्न आगो तापेर बसिरहेका बेला नदी किनारको ढिस्को खसेर रुपन्देहीको बुटवलमा दुई जनाको ज्यान गएको छ । बुटवलको देवीनगरस्थित तिनाउ किनारमा बुधबार साँझ ढिस्कोले पुरिँदा दुई जनाको ज्यान गएको हो ।

मृत्यु हुनेमा स्थानीय गणेश थापा र शिव थापा रहेका छन् । त्यस्तै, घटनामा परी तीन जना घाइते भएका छन् । ढिस्को खसेर पाँचजना पुरिएकोमा दुईजनाको अस्पताल पुर्याएपछि मृत्यु भएको हो ।

उनीहरु तिनाउ नदी किनारमा आगो तापेर बसिरहेका थिए । घटनामा परी घाइते हुनेहरुमा केशव पुरी, अशोक गाहा र अन्य एक जना रहेको प्रहरीले जनाएको छ ।