-
-
-
-
काठमाडौं । कोरोना भाइरसको महामारी फैलने क्रम बढ्दो छ । बिहीबार एकैदिन अहिलेसम्मकै सबैभन्दा बढी १२ हजार ३३८ संक्रमित थपिएका छन् । २७ हजार ४९७ जनाको परीक्षण गर्दा यो संख्यामा संक्रमित थपिएका हुन् ।
अहिलेसम्मकै सर्वाधिक हो । २१ हजार ७ पीसीआर परीक्षणमा अहिलेसम्मकै बढी १० हजार ५२ संक्रमित थपिए । यो पनि अहिलेसम्मकै उच्च हो । यसअघि बुधबार ९ हजार ५०२ संक्रमित पीसीआरबाट पाइएका थिए ।
त्यस्तै ६ हजार ४९० एन्टिजेन परीक्षणबाट २ हजार २८६ संक्रमित पाइएका छन् । कू्रल परीक्षणबाट ४४.८८ प्रतिशत तथा पीसीआर परीक्षणबाट ४७.८६ प्रतिशत संक्रमित पाइएका हुन् ।
जम्मा ६४९ जनामात्र संक्रमणमुक्त भएका छन् । ४ जनाको मृत्यु भएको छ । निको हुने रेट घटेर ९२.२ प्रतिशत पुगेको छ । अहिलेसम्म कोरोनाबाट ११ हजार ६३२ जनाको ज्यान गइसकेको छ ।
सक्रिय संक्रमित बढेर ५७ हजार ३२८ पुगेको छ ।
