-
-
-
-
पोखरा । गोरखाको मनकामना केन्द्रबिन्दु भएर भूकम्प गएको छ । साँझ ४ः५४ बने मनकामना आसपास केन्द्रबिन्दु भएर ४.१ रेक्टर स्केलको भूकम्प गएको हो ।
यो २०७२ सालको गोरखा भूकम्पको पराकम्पन भएको राष्ट्रिय भूकम्प मापन तथा अनुसन्धान केन्द्रले जनाएको छ । भूकम्पको धक्का गोरखासहित, तनहुँ, कास्की, लमजुङ, धादिङ, चितवनमा महसुस गरिएको थियो ।
भूकम्पका कारण कुनै क्षति भएको विवरण नआएको जिल्ला प्रहरी कार्यालय गोरखाले जनाएको छ ।
