-
-
-
-
पोखरा । गण्डकी प्रदेशको राजधानी जिल्ला कास्कीमा १३३ सहित गण्डकी प्रदेशमा ३८२ जना कोरोना संक्रमित थपिएका छन् ।
थपिएका संक्रमितमध्ये १८२ जना महिला र २०० जना पुरुष छन् । जसमा पीसीआरबाट १५२ जना र एन्टीजेनबाट २३० जना संक्रमित भेटिएको प्रदेश स्वास्थ्य निर्देशनालयले जनाएको छ ।
आज थपिएका संक्रमितहरूमा गोरखाका १७, मनाङका दुई, मुस्ताङ एक, म्याग्दीका ३४, लमजुङका ६८, तनहुँका ५३, नवलपुरका नौ, स्याङ्जाका ३७, पर्वतका पाँच र बागलुङका २३ जना छन् ।
योसहित गण्डकीमा कूल संक्रमितको सङ्ख्या ९९ हजार ९६४ जना पुगेको छ । जसमा ९२ हजार ५७८ जना निको भएका छन् ।
गण्डकीमा हाल ५९ सय ४७ जना सक्रिय संक्रमित छन् । सक्रिय संक्रमितमध्ये ५८ सय ७७ जना होम आइसोलेसनमा रहेको बताइन्छ ।
