-
-
-
-
पोखरा । गण्डकी प्रदेशमा कोरोना संक्रमितको सङ्ख्या एक लाख नाघेको छ । आज २९० जना कोरोना संक्रमित तपिएसँगै गण्डकीमा संक्रमितको सङ्ख्या एक लाख २५४ जना पुगेको हो ।
गण्डकीमा आज पीसीआरबाट २४१ र एजेन्ट परीक्षणबाट ४९ जना गरी २९० जना संक्रमित गण्डकीमा भेटिएका हुन् । जसमा महिला १३५ र पुरुष १५५ जना संक्रमित पुष्टि भएका हुन् ।
आज भेटिएका संक्रमितमध्ये सबैभन्दा धेरै कास्कीका छन् । कास्कीमा १७९ जना संक्रमित भेटिए ।
यस्तै, गोरखामा एक, मनाङमा एक, मुस्ताङमा नौ, म्याग्दीमा १५, लमजुङमा १७, तनहुँमा १४, नवलपुरमा चार, स्याङ्जामा २६, पर्वतमा र बागलुङ १९ जना संक्रमित भेटिएका हुन् ।
प्रदेश स्वास्थ्य निर्देशनालयका अनुसार गण्डकीमा आज ९४९ जना संक्रमित निको भएका छन् । गण्डकीमा हाल ५२ सय ८७ जना सक्रिय संक्रमित छन् ।
